Het heuntie

Audioversie. Voorgelezen door Ineke Webbink.

Wat lig e röstig nöust ’n stouwl het köppie op de peuties en of en touw kik e mie ån met ziene broeene eugies.

Het stättie gijt dån hen en wier dån likt e miene haone wat is dät deertie gek met mie hij maakt mie nooit te schaone.

In um is mennig ras vereind het stijt kwòt op de beinties nen skoonhäid is ’t zjekker neit meer ’t is mie d’r wal eintie.

Wånt mennig mèènske kån ån um nog wal een vuurbeeld njemm’n als elkein zun karakter ha dån konn’n ze vjöll’ meer hemm’n.

Noe kik e mie opeins skuun ån ’t is net of e ’t kån roek’n heb ie ’t wa mie, wat skrieev ie daor douwt ôk vån mie de groet’n.

Wait'ndjerk met 't heuntie.