Still’n Vriedag

Audioversie. Voorgelezen door Ineke Webbink.

Still’n Vriedag, ‘k wil gedèènk’n dät mien’n Häilaond höng ån ’t kruus dätte ôk duur miene zeune miene kläppe is eskeun’n en Hij höng der veer vån huus.

Wånt n’ Hemel was eslätt’n zonder hölpe môsse ’t douw’n vuur de luie op de eerde harre ôk gen èènk’le weerde en de kaaike luit Um blouwd’n.

All’n last vån al dij zeune Druig e op Zien skôlders met en gen mèènsk’ in alle tied’n kån duurgroon’n al Zien lied’n Hij vervull’n alle wet.

Noe vaalt al’s oons vån de skôlders wie kiekt èènkelt naor het kruus dät alleen’ hef vuur oons weerde in ‘n Hemel en op eerde dät alleene brèènk oons thuus.