Gaitie en de aardrijkskunde

Audioversie. Voorgelezen door Bert Webbink.

Lied.

Gaitie is ’n onduueg’nd kèèrltie ’t straolt um ôk de oog’n uut aaltied miks’n bie ‘n èène ’t is nen echt’n kläinen guut.

Lessens zätte in de skouwle soeezeboll’n e vuur zich hen toen de mäister um op ijn keer vruig: „Waar ligt Jeruzalem?”

Gaitie zat met zien’ gedach’n veer vån ’t skouwllokaal våndån en ôk veer vån de aardrijkskunde daor wusse neit vjölle vån.

Hij was lessens met zien vaare ‘s maais hee vroo op pad egaon in de buske långs de grèènze hadd’n ze men’gen tred edaon.

En ze hadd’n loop’n dwääl’n duur dät mooie oole laond dät dee Gaitie vjölle lijver as aait naor de skouwle gaon.

Meer noe skrukke, wat zjää mäister? harre ‘t noe tieëg’n um, of neit vruig e noe wat waaver ’t leer’n of e geern’ naor skouwle geit?

Meer de mäister wödd’n kribbig. „Gerrit welke plaats ligt daar?” en den bjössel zjää toen dreum’rig: „Mäister, ’t is de Broeenehaar”